Σηδερτα μισο σκηνικα επαρουν τη φωτιαν
σκεπαζνε τα βαλκανια και τη Μακεδονιαν

Σο ματ εσεγκαν Ελληνες Σερβους και Ορθοδοξεια
και εμεις ντε πηκαματς ανθρωπς κι δεινεμας αξια

Τρανε τη κοσμε και ευκερε κι λογαριαεις κανεναν
αμα βαλον παντοτινα σο νους βαθεα εναν

Ατοιν ντε φταν ορθα Σταυρον ορθα ζουν κι'αποθανε
κι'ατοιν ντε φταν ζεβρα Σταυρον κε ξερνε που κες πανε

by xampospont

 


 

H Ρωμιοσυνη απλωσε,
τα μυστικα φτερα τηs
να ξαναδει τη χαραυγη
απο τη συμφορα της........

by Antiope

 


 

Παρα σα σεριας οντες εϊς οι φιλοις περησευνε
αν εν η τσοπιας ευκερον το ονεμας κι ξερνε

Αδα σο κοσμον αξομε γιαυριμ ολ τη παραν τερουνε
το εφτοχον τον ανθρωπον καμιαν κι'αγαπουνε

Οσο ξοδευς και φαϊσατσ το ψωπος κι χαλανε
τ'αφωτιστα τεληντανε ντε πηκες ανασπαλνε

Αδα σο κοσμον αξομε γιαυριμ ολ τη παραν τερουνε
το εφτοχον τον ανθρωπον καμιαν κι'αγαπουνε

Παρα σα σεριας οντες εϊς κρασην σην υας πινε
ξοδευσατα κι'ολοερας πουλοπομ κανεις κινε

Αδα σο κοσμον αξομε γιαυριμ ολ τη παραν τερουνε
το εφτοχον τον ανθρωπον καμιαν κι'αγαπουνε

by xampospont

 


  

Ασην ψυμ εβγεν λαλιαν και τα σιλιαμ λεγνατο
ψυμ ατο τη τραγωδια οι αγγελ εξερνατο

Παιξων κεμεντζεμ μη στεκς τα παραποναμ εξερτς
και θα σκονω σο χορο ολτς τοι Ποντιους εγω

Αρχηνω τη τραγωδια κλαψων λυρα με τεμεν
ση πατριδαμ για τη γλωσσαν ειπανεμε ξενον εν

Παιξων κεμεντζε μη στεκς τα παραποναμ εξερτς
και θα σκονω σο χορο ολτς τοι Ποντιους εγω

Για τη πιστ και τη πατριδα θανατον εγνορτσαμε
και τα χοματα του Ποντου αιματα εποτσαμε

Παιξων κεμεντζε μη στεκς τα παραποναμ εξερτς
και θα σκονω σο χορο ολτς τοι Ποντιους εγω

by xampospont

 


 

ΜΗ ΛΕΤΕ ΜΕ ΓΙΑ ΒΑΣΑΝΑ ΜΗ ΛΕΤΕ ΜΕ ΓΙΑ ΠΟΝΙΑ...
ΣΗΝ ΖΩΗΜ ΕΓΩ ΠΕΡΑΣΑ ΑΣΚΕΜΑ ΑΧΑΡΑ ΧΡΟΝΙΑ....


ΣΑ ΠΑΡΧΑΡΙΑ ΜΗ ΛΑΣΚΕΣΕ ΠΟΥΛΙΜ ΧΩΡΙΣ ΕΜΕΝΑ....
ΑΣΟΛΙΑ ΤΑ ΝΕΡΑ ΜΗ ΠΙΝΤΣ ΚΑΠΟΙΟΝ ΕΣ ΕΒΔΕΛΑ....


ΦΕΓΓΑΡΙΜ Κ ΑΝ ΕΛΕΠΣΑΤΕΝ ΣΗ ΣΤΡΑΤΑ ΓΙΑ ΝΑ ΚΛΑΙΕΙ...
ΚΑΤΗΒΑΝΤΟΣ ΕΝΑΝ ΟΤΙ ΤΙΝΟΣ ΟΝΕΜΑ ΛΕΕΙ...

by piperos19

 


 

ΠΟΛΛΑ ΡΑΣΑ ΧΩΡΙΣΝΕ ΜΑΣ Κ ΚΕΧΝΕ ΤΕΛΕΣΙΑ...
ΤΑ ΓΡΑΜΜΑΤΑ ΧΑΙΡ Κ ΕΦΤΑΝ ΠΟΥΛΙΜ ΣΗΝ ΜΑΝΑΣΙΑ....

ΕΜΕΝ ΤΟ ΡΑΚΙΝ ΚΙ ΜΕΘΕΙ ΑΣ Κ ΜΕ ΤΣ ΟΚΑΔΕΣ...
ΕΜΕΝ ΜΕΘΟΥΝ ΤΑ ΧΕΙΛΟΠΑΣ ΝΤΟ ΕΧΝΕ ΝΟΣΤΙΜΑΔΕΣ...

ΣΟ ΧΑΡΑΜΑΝ ΤΣ ΑΝΑΤΟΛΗΣ Τ ΑΡΝΟΠΟΜ ΕΓΕΝΕΘΕΝ...
ΚΑΙ ΜΕ ΤΑ ΧΑΡΗΣ ΤΗ ΘΕΟΥ ΑΤΟ ΠΑ ΕΧΑΡΕΘΕΝ....

by piperos19

 


 

ΑΠΟΘΑΝΩ ΚΑΙ ΓΛΙΤΩΣΟΝ ΜΗ ΙΝΕΣΑΙ ΓΕΣΙΡΙ...
ΕΜΕΝ ΘΑ ΤΡΩΕΙ Η ΜΑΥΡΗ ΓΗ Κ ΕΣΕΝ ΤΟ ΜΑΟΝΑΣΤΗΡΙ....


ΑΝ ΑΠΟΘΑΝΩ ΣΟ ΤΑΦΙΜ ΠΕΙΣΤΕΝ ΟΛΙΓΟΝ ΤΟΠΟΝ...
ΩΑΛΤΕ ΑΠΕΣ ΤΗΝ ΚΕΜΕΝΤΖΕΜ ΚΑΙ ΕΝΑ ΠΟΥΚΑΛ ΡΑΚΟΠΟΝ...

by piperos19

 


 

ΕΦΕΚΕΣ ΚΑΙ ΤΗΝ ΚΕΜΕΝΤΖΕΣ Κ ΟΛΙΑ ΤΑ ΤΡΑΓΩΔΙΑΣ...
ΤΗΝ ΚΑΛΗΣ ΜΑΥΡΟΦΟΡΕΣΕΣ ΕΚΛΕΝΤΖΕΣ ΤΑ ΠΑΙΔΙΑΣ.....


ΕΚΕΙ ΣΟΝ ΑΔΗ ΟΝΤΕΣ ΘΑ ΠΑΣ ΞΑΙ ΜΗ ΑΝΑΣΠΑΛΤΣ ΤΑ ΤΕΡΤΙΑ....
ΤΟΠΛΑΕΥΣΟΝ ΟΥΛ ΤΕΜΕΤΕΡΤΣ ΚΑΙ ΠΕΙΣΤΕΝ ΜΟΥΧΑΠΕΤΙΑ.......

by piperos19

 


 

Ενας νυφε εναν ημεραν τη γαϊδαρ η θεγατερα
ταβιζ με τη πεθερανατσ σκουτε χουρλαευ απανατς
Εξεγκε το τακουνατσ λεϊ τη πεθερανατσ τσουνα
το κιφαλις αμο ταρς εθαρης κι θα ψοφας

Επιασταν ασα μαλια εσερευτεν η γειτονια
ερθεν και ενας γειτονας λεϊατεν εσυ ντε φτας
νετση εσυ και ντρεπεσε γιατι κρους τη πεθερας
λεϊατον εσυ ντο θελτς το σκηλην θα γουρταρευς

λεϊ η πεθερα ση νυφε μεσημερτς ετον και νηφτε
εγω εφταγω τα δουλειας να τερω και τα παιδιασ
ση κυρουσ κισεσ νερον αδα θελτς και παραγιον
νυχταν ημεραν κημασε τα μωρασ ξαϊ κι λυπασε

Η πεθερανατσ χατεβιατεν εξω ασο σπιτ λεϊατεν
και η νυφε σκοθεν παει και παραπονα κ'εφταει
αμον ντε φτασεν σο σπιτνατσ ειδεν και τη αδερφηνατσ
η αδερφηνατσ εγρηξενα και ση μανανατσ ειπενα
η μανανατσ εβγεν οξουκα και ρωτατε πρωτα πρωτα
νετση ντε παθες και κλαις και τη μανας δεν κι λαις
λεϊ μανα μ'ερωτασμε πισον φαϊ να χωρτασμε

Γουρπαν εγω ση γουλας μερ εφεκες τη Τασουλας
η Τασουλα εν σο σπιτνατσ δηκαιουτιατεν ο κυρσατσ
η πεθεραμ παντα κακεσα τσακον κ'εφταει το φουστουρον και τρωεια μανασεσα

by xampospont

 


 

ΑΝ ΑΠΟΘΑΝΩ ΓΙΑΒΡΟΠΟΜ ΤΕΜΟΝ ΤΟ ΟΝΕΜΑ ΚΟΥΞΟΝ....
ΑΝ ΑΓΑΠΑΣ ΜΕ ΑΛΗΘΙΝΑ ΑΠΕΣ ΣΟ ΤΑΦΙΜ ΡΟΥΞΟΝ....

ΚΑΠΟΤΕ ΕΜΝΕ ΑΓΓΕΛΟΣ...ΤΩΡΑ ΑΓΓΕΛΕΥΝΕ ΑΛΛΟΙ...
ΑΣΟ ΠΕΓΑΔ ΝΤΟ ΕΠΙΝΑ ΑΤΩΡΑ ΠΙΝΕ ΑΛΛΟΙ...

ΣΕΡΑΝΤΑ ΜΕΡΟΚΑΜΑΤΑ ΕΦΑΓΑ ΕΝΑΝ ΗΜΕΡΑ...
ΑΤΑ ΠΑ Κ ΚΑΝΕΘΑΝΕ ΕΠΟΥΛΤΣΑ ΚΑΙ ΤΗΝ ΒΕΡΑ...

by piperos19

      
      

 

     

 

     

 

Go to top
JSN Boot template designed by JoomlaShine.com