Χριστός γεννέθεν χαρά σον κόσμον
χα καλή ώρα, καλή σ' ημέρα
χα καλόν παιδίν οψέ γεννέθεν

Οψέ γεννέθεν ουράνοστάλθεν
τον εγένεσεν η Παναϊα
τον ανέστεσεν αει Παρθένος

Εκεβάλκεψεν χρυσόν πουλάριν
κι εκατήβεν σο σταυροδρόμι
σταυροδρόμι και μυροδρόμι

Ερπαξάν ‘ατον οι χιλ' Εβραίοι
χιλ' εβραίοι και μύρ' Εβραίοι (δις)

Α ‘σα κρέντικα κι α ‘σήν καρδίαν
αίμαν έσταξεν, χολή κ' εφάνθεν
ούμπ' αν έσταξεν και μύρος έτον
μύρος έτον και μυρωδία

Εμυρίστεν ‘ατό ο κόσμος όλεν
για μυρίστ' ατό και εσύ αφέντα
συ αφέντα καλέ μ' αφέντα

Έρθαν τη Χριστού τα παλληκάραι
και θυμίζνε το νοικοκύρην
νοικοκύρην και βασιλέαν

Δέβα σο ταρέζ κι' έλα ‘σην πόρταν
δόσ' μας ούβας και λεφτοκάραι
κι αν ανοίεις μας χαρά ‘σην πόρτας.

Recommended

Go to top