Κ. Καραπαναγιωτίδη
Εγώ είμαι Μακεδόνας
Έλληνας ους το μεδούλ'
ας μαθάνε οι γειτόνοι
κι ας βάλνε καλά 'ς σ'αχούλ'
Έχασαμ' την Πόλ', τον Πόντον
και την Κύπρον το ημ'σόν
θάρεσες ατώρα έρθε
τσιπλάχ η σειρά τ'εσόν.
Δέβασον την ιστορίαν
Σκοπιανέ και Βούλγαρε
εκεί θα μαθάν'ς πώς λέμε
εμείς το "μολών λαβέ"
Όντες έλεγάμε "ΟΧΙ"
'ς σ' Αλβανίας τα βουνά
πώς 'κ' εγροίξες η Ελλάδα
ντο Τραντέλλενες γεννά;